Vuuvven enšimmäini päivä lahjotti 15 lašta

Tämän vuuvven enšimmäisenä päivänä šynty enemmän poikie. Kuva: Karjalan tervehyšhuoltoministerijön lehistöpalvelu

Uutena vuotena šyntynyitä lapšie otettih vaštah Petroskoissa, Segežašša ta Koštamukšešša.

– Lapšet ollah tervehet, hyö ta heijän muamot voijah hyvin, kirjutti Karjalan tervehyšministeri Mihail Ohlopkov omalla VK-šivulla.

 Viime vuotena Karjalašša šynty 5112 lašta. Petroskoin šynnytyštalošša otettih vaštah 4249 lašta: 2083 tyttyö ta 2166 poikua. Poikien kešen šuosittuina nimilöinä oltih Maksim, Art’om ta Aleksandr, tyttölöillä rikenempäh annettih Sofija, Jeva ta Marija nimija.