Vottovuara šuojeltih ainutluatusena

Vuara kiinittäy enämpi huomijuo ta turistien miärä joka vuosi kašvau. Kuva: Uljana Tikkanen

Šamoin vuaran ympäri šuurennetah šuojeltavan alovehen pinta-alua kolmella kilometrillä. Tämä auttau šuojella vuara ta viereššä olijat šuojeltavat paikat erilaisien, pienienki rakennukšien rakentamisešta.

– Kohta pohjoisšuuntah ruvetah kulkomah Orlan-junat. Šilloin vuotamma, jotta turistien miärä niise kašvau. Meijän pitäy pityä šilmällä tilannehta, jotta šäilyttyä vuaran ainutluatusuon, šelitti Karjalan piämieš Artur Parfenčikov.

Šamoin piämieš korošti, jotta nähtävyön lähellä on paikkoja, kumpaset ei kuuluta erikoisešti šuojeltavah aloveheh ta šielä šuau kehittyä infrastruktuurie, rakentua vieraštaloja. Artur Parfenčikov lupasi, jotta kaikki piätökšet ruvetah luatimah ottamalla huomijoh paikallisien eläjien mieltä.