Tverin Karjalašša on ilmotettu kirjallisuškilpailu
Starinoja, kertomukšie ta legendoja Tverin Karjalašta vuotetah uuteh kirjallisuškilpailuh “Tverin Kariela – tämä on miun Randa”. Tevokšie voipi lähettyä enši vuuvven pakkaiskuun 30. päiväh šuaten.
— Myö ušomma, jotta Uuvven Vuuvven ta Roštuon lomalla šiun onnistuu kirjuttua kirjallisuštevokšen. Kekši starinoja ta legendoja, kirjuta kertomukšie, a parahie myö julkaisomma kirjasešša ta rupiemma jakomah šitä makšutta. Šamoin tevokšien mukah myö kekšimmä šeikkailupelin Tverin Karjalan vierahie varoin. Šen aikana voipi lähemmäkši tuttavuštuo tverinkarjalaisih, kerrotah kilpailun järještäjät.
Kilpailuh kučutah kaikkie halukkahie, ammatillisie ta harraštajie kirjuttajie. Piäehtona on še, jotta istorija tapahtuis yheššä kilpailun šiännöissä mainitušša paikašša. Lisyä tietuo luve täššä.
