On nähnyh päivänvalgien nägi kirjuttajan Astrid Lindgrenan kolmas karjalakse kiännetty kniigu nimel “Peppi Pitkysukku Suvimerel”. Kniigas kerrotah sit, kui pienet lapset piästäh akuulois da rozvolois Suvimeren suarel. Livvikse kniigu kiännettih Aleksi Ruuskanen ja Tamara Ščerbakova.
Vaigevuksis kniigan kiändäjes saneli Aleksi Ruskanen:
– Kiändäjes pidi, ezimerkikse, keksie uuttu böbökkysanua da duumaija, kuibo vois olla karjalakse Pepin ičen keksitty sanaine, kudaman merkičysty lapset tiijustetah kniigan erähäs kerdomukses.
Kai pitkät Peppi-kirjat nygöi ollah jo piäsetty ilmah karjalakse – aijemba ollah piästy ilmah karjalakse “Peppi Pitkysukku” da “Peppi Pitkysukku nouzou laivale”. Aleksin sanoin mugah, dostalit lyhyččäzet kuvakniigazet Peppih niškoi ei ole pluanois kiändiä.
– Pitky kiännösprojektu Peppih näh, kudaman alloimmo Tamara Ščerbakovan kel läs viitty vuottu tagaperin, nygöi rodih valmis. Minule oli suuri kunnivo ruadua Tamara Vasiljevnanke da olla toizennu Pepin karjalakse kiändäjänny. Suuri passibo pidäy sanuo Natalja Gilojevale, kudai oli kielentarkastajannu, sanou Aleksi Ruuskanen.
Kniigan on jullannuh Karjalan Sivistysseuru, čomazet valmistettih Ingrid Vang Nyman. Kniigu voibi ostua täs.