Päivännouzu-Suomen yliopiston karjalan kielen elvytysprojektu sai tunnustuspalkindon
Päivännouzu-Suomen yliopiston karjalan kielen elvytysprojektu sai Kari Sajavaara -palkindon omas panokses karjalan kielen kehittämizeh da levittämizeh.
Päivännouzu-Suomen yliopistos jo kodvan aigua ruatah karjalan kielen da karjalazen kul’tuuran säilyttämizeh da elavuttamizeh niškoi, tutkitah karjalan kieldy, enimytteh rajamurdehii da tverinkarjalua. Karjalan kielen luvendokursiloih, kuduat piettih yliopistos sygyzyl, on yhtynyh läs 150 opastujua. Karjalan kielen elvytysprojektu pandih rattahile vuvvennu 2021 da kielen kehitysruaduo todevutetah kahten vuvven aloh. Projektan ruadajien joukos on sen johtai, professoru Helka Riionheimo, koordinuattoru Natalja Gilojeva da tutkijat Katerina Paalamo da Ol’ga Karlova.
– Suuret passibot palkindos! Ilo da kunnivo on ruadua karjalazien hyväkse da nähtä, kui hyö viritäh omah kieleh. Kieli kehittyy, konzu sidä kehitetäh. Da myö kehitämmö sidä, sanoi projektan koordinuattoru Natalia Gilojeva.
Karjalan kielen elvytysprojektan ruadoh nähte voibi tiijustua blogas, kuduas on videoloi da tekstoi eri aihielois da muudu.
