Karjalan ta vepšän kielikilpailuh otti ošua 46 koululaista Karjalan eri piirilöistä, Leningradin alovehelta ta Piiteristä.
– Alovehelliseh kielikilpailuh otettih ošua opaštujat, kumpaset jo voitettih piirien ta kaupunkien kilpailuissa. Kielikilpailun piätehtävänä on kiinnoššuttua koululaisie šuomen, karjalan ta vepšän kielien opaštumiseh, kertou Karjalan opaššukšen kehitykšen instituutin spesialisti Ol’ga Hramtsova.
Karjalan kielen vienan murtehen kilpailuh ošallistu 11 koululaista Kalevalan ta Karhumäjen piiristä šekä Petroskoista. Voittajiksi piäštih: 9. luokan opaštujat Anna Kirejeva Kalevalašta (1. paikka), Ilja Gorovikov Petroskoista (2. paikka) ta Viktorija Karimova Puatenešta (3. paikka); 10. luokan opaštujat Milana F’odorova Kalevalašta (1. paikka), Arina Maršalkova (2. paikka) ta Anastasija Križ Jyškyjärveštä (3. paikka); 11. luokan opaštujat Amina Karačova ta Ol’ga Kotkanen Kalevalašta (1. paikka).
Karjalan kielen livvin murtehen kilpailuh ošallistu 20 koululaista Aunukšen, Priäžän ta Šuojärven piiristä šekä Petroskoista. Voittajiksi piäštih: 9. luokan opaštujat Jekaterina Vorobjova Kotkatjärveštä ta F’odor Ovčinnikov Petroskoista (1. paikka), Darja Lipnitskaja Mäkrieštä (2. paikka), Viktorija Al’okina ta Valerija Leontjeva Jessoilašta (3. paikka); 10. luokan opaštujat Aleksandra Lemettijeva Petroskoista ta Kira Čaikina Veškelykšeštä (1. paikka); 11. luokan opaštujat Jekaterina Matsko Veškelykšeštä (1. paikka) ta Jegor Kalmikov Vieljärveštä (2. paikka).
Vepšän kielen kilpailuh ošallistu 15 koululaista Onerarannan piiristä, Petroskoista, Leningradin alovehelta ta Piiteristä. Voittajiksi piäštih: 9. luokan opaštujat Diana Tkačuk Vinnitsan kyläštä (1. paikka), Sofja Vasiljeva, Roza Lazar ta Sofja Timoščuk Šokšašta šekä Arina Koz’uk Petroskoista (2. paikka), Georgii Nečajev Piiteristä ta Darjana Treskina Šoutjärveštä (3. paikka); 10. luokan opaštujat Kirill Gapanovič (1. paikka), Viktorija Vas’kina Šokšašta (2. paikka) ta Jeva Ponomarenko Petroskoista (3. paikka); 11. luokan opaštujat Polina Ševčuk (1. paikka) ta Ksenija Avdejeva Kalajovešta (2. paikka).