Kižis voibi kuduo kangastu

Kižis voibi kuduo kangastu

14.10.2021
Kižin muzeis Petroskoil terväh ruvetah ozuttamah kangahankuvondua karjalan kielel. Muzein ruadajien mieles on yhtenjytyi tärgei säilyttiä vahnoi ruadoloi, taboi da karjalan kieldygi.
Mugai vahnan sanaston kerätes da kirjuttajes pidäy kerätä kai karjalazet sanat, ku jälgipolvet tiettäs, kus karjalazil stuavoil ollah sukset da mi on harakku. Kuva: Igor’ Istratjev
Mugai vahnan sanaston kerätes da kirjuttajes pidäy kerätä kai karjalazet sanat, ku jälgipolvet tiettäs, kus karjalazil stuavoil ollah sukset da mi on harakku. Kuva: Igor’ Istratjev

– Kahtel käil, ku lujembi pyzys täs, nevvou nuožarveläine Lidija Ivanovna Jevsejeva stuavoi azettajes. Häi piädykauti kävyi linnah Nuožarvespäi ozuttamah nuorile Kižin muzein ruadajile, kui karjalazet luodih da pandih kangastu. Ruado ei ole jygei, ga piälimäine dielo on hyvin azettua kangas – kuduo jo on kebjiembi.

Enzimäine nevvondukerdu piettih Nuožarves. Sie Lidija Ivanovna yhtes Tatjana Jelisejevanke ozutettih da saneltih karjalakse, kui luvvah kangastu seiniä myö da luajittih kassu. Ruado jatkui Petroskoil. Lidija Ivanovna andoi muzeih ozutettavakse ennevahnallizet kangaspuut. Enne net oldih hänen vahnembien kois Kukoinvuaras.

– Minun omat d’uuri ei olla, kuvottih mama da baba nämil kangaspuuloil. Lujal azui Semoi-died’oi, se tatan tuatto, a moužet vie vahnembi kudai sie azui, ylen vahnat ollah. Enämbi, piäl suan vuvven on nämil. Stuavat, stuavakse meijän kyläs sanottih, ylen ammuzet ollah, ylen ammuzet. Minä olin vie pieni tyttöine nengoine, mustan vie nämii puaksuh taluttih, vie kyläh taluttih. Erähil ei olluh kois stuavoi ga, sellittäy Lidija Jevsejeva.

Nämil kangaspuuloil on kuvottu hurstii dai äijy midä muudu. Lidija Ivanovnal on tallel muaman kuvottu postelinpiälysty. Se on junoikas, ruskei sinizenke, ylen järei da jygei.

– Minul himoittas nämmä ozuttua karjalan kielel, sendäh gu muzei, tiettäväine, säilyttäy vehkehii, säilyttäy brujii, sobua, meile pidäy säilyttiägi kieli. Anna meijän katalougas kai nämmä karjalaizet vehkehet, karjalaizet brujat ollahgi karjalakse kirjutetut i himoittas ičel jättiä mustoh, kui i midä ruattih ennevahnas, mittuine oli sanasto, sanou muzein ruadai Ol’ga Žarinova.

Kaččomah kangahankuvondua da mustoittamah libo opastumah karjalastu kuvondusanastuo lapsii da vahnembii kučutah Kiži-muzein varastoh jo täl nedälil. Kangaspuut ollah tiä uudeh vuodessah. Vie karjalazes kuvonduneros luajitah fil’mu.

 


ПОХОЖИЕ НОВОСТИ
Kodima
Uz’ kirj: čomad sarnad vepsän kelel ihastoitaba lugijoid
”Vepsläine sarn”-festivalikš om paindud vepsläižen kirjutajan Natalja Silakovan uz’ kirj lapsiden täht. Kirjaha mülüb 13 sarnad vepsän kelel.
Karjalan Sanomat
Koronarajoituksia lievennetään – Urheilutoiminta on mahdollista ulkona
Määräyksen mukaan neljässä Karjalan piirissä voi järjestää urheilutapahtumia ja harjoituksia ulkona.
Karjalan Sanomat
Apua koronasta – Tasavallan tukipaketti luovutetaan yrityksille, joilla on laumasuojapassi
Liittovaltion tukipaketti tarjotaan yrityksille marraskuun alusta. Tähän mennessä laumasuojapassi on luovutettu 300 tasavallan yritykselle.
Karjalan Sanomat
VR-laitteilla kierrokselle Kansalliseen teatteriin
Petroskoilaiset teatterin ystävät pääsevät tutustumaan Kansallisen teatterin arkeen VR- lasien kautta.
Kodima
Karjalan ezinikad – 2021: superfinalaha putui 16 parahimad projektad
”Karjalan ezinikad – 2021”-konkurs jatktase. Superfinalaha putui 16 mest, niiden keskes Anna Anhimova-ki, kudamb ezmäižen kerdan ezitab vepsläižid konkursal.
Karjalan Sanomat
Suomen kielen viikko: kieltä ja kulttuurintuntemusta halukkaille
Meliorativnyin ja Järventakuisen kylän koulut ovat myös mukana Karjalan suomen kielen ja kulttuurin viikolla.
Karjalan Sanomat
Koronapandemia: Venäjällä on kehitetty Sputnik V-nenäsumutekoronarokote
Venäjän Generium-lääkeyhtiö aikoo aloittaa testaus ihmisille. Lääkeyhtiö jätti hakemuksen Venäjän terveysministeriölle kliinisten kokeiden suorittamiseksi.
Karjalan Sanomat
Lämmityskausi: polttoaineet on hankittu tarvittavassa määrin
Karjalan päämies Artur Parfentšikov kertoi Venäjän presidentin täysivaltaiselle edustajalle Luoteis-Venäjällä Aleksandr Gutsanille Karjalan valmiudesta lämmityskauteen.
Karjalan Sanomat
Kansan yhtenäisyyden päivä: juhlatilaisuuksia järjestetään verkossa
Kirjastot, kulttuuritalot, päiväkodit, musiikkikoulut tarjoavat kilpailuja, juhlatilaisuuksia, flashmobeja ja työpajoja kaupunkilaisille.
Kodima
Vepsän eposan henged pagižeškanziba franciaks
Opendai Franciaspäi Gijöm Žiber (Guillaume Gibert) kändi vepsläižen eposan francian kel’he.
Войти
Регистрация
Пароль
Повторите пароль