KIŽI SKI x-Race: extreme-marafoni piettih Karjalašša

KIŽI SKI x-Race: extreme-marafoni piettih Karjalašša

05.03.2024
Karjalašša piettih nelläš KIŽI SKI x-Race -hiihtomarafoni. Urheilijien piti hiihtyä 61-kilometrini matka Kiži-suarelta Petroskoih Onega-järven jiätä myöten.
Enšimmäistä kertua naiset juoštih marafonin loppuh šuaten. Kuvašša on kolme nopeinta: Ol’ga Borodulina (vaš.), Aleksandra Merkulova ta Emilia Larieva. Kuva: Uljana Tikkanen
Enšimmäistä kertua naiset juoštih marafonin loppuh šuaten. Kuvašša on kolme nopeinta: Ol’ga Borodulina (vaš.), Aleksandra Merkulova ta Emilia Larieva. Kuva: Uljana Tikkanen

KIŽI SKI x-Race -hiihtomarafoni keräsi 39 ošallistujua Venäjän eri kaupunkiloista, heistä 37 piäsi loppuh šuaten. Tämä on extreme-marafoni, šentäh kun šiä ta lumipeiteh voipi tuuvva vuottamattomie vaikeukšie. Tänä vuotena 61-kilometrisen matan hiihtäjät šuoritettih oikein pahua jiä- ta lumipeitehtä myöten, oli lumini ta vetini kel’i. 

— Tämä urheilutapahtuma tarkistau ihmisen mahollisukšie. Še on tovellah pitkä matka ta ošallistujalla ei ole mahollisutta myöštyö takasin. Še opaštau ymmärtyä, jotta luonnon voima on kaikešta voimakkahin ta pitäy šuoštuo šiih. Tämä marafoni on kuot’t’eluš ošallistujilla ta järještäjillä, šelitettih marafonin järještäjät.

Miehien kešen enšimmäisekši tuli Sergei Dolbunov Rumjantsevošta, hiän hiihti marafonin komešša tunnissa 42 minuutissa. Toisella paikalla oli Ivan Selivanov Murmanskista ta Sergei Mitrošin Insar-kaupunkista.

Tänä vuotena enšimmäistä kertua marafonin istorijašša naiset šuoritettih koko matan loppuh šuaten, heistä nopeimpana oli Aleksandra Merkulova Obninskista, hänen hiihtomatka šuarelta Petroskoih kešti 4 tuntie 25 minuuttie. Toisella paikalla piäsi Ol’ga Borodulina Petroskoista ta kolmannella Emilia Larieva Sortavalašta. 

— Miušta, še oli mukava ajatuš järještyä hiihtoajo Onegan järvellä. Viime vuotena miula ei onnistun hiihtyä marafoni loppuh, šiä oli oikein paha ta 73 kilometrista mie hiihin 53. Šentäh tänä vuotena še oli revanšši. En tykkyä jättyä ruavot tulokšetta. Ka tänä vuotena šiä valmisti uuvvet vaikeukšet. Mie en nikonša hiihtän šemmoista kelie myöten. Piti kaččuo minne ajua, eččie tašasie paikkoja, pityä tašapainuo. Kerran mie kuiteski lankesin ta jouvuin kylmäh veteh, mi oli lumen alla jiällä, ka hyvä on, jotta še tapahtu jo loppušuoralla. Noušin ta hiihin ielläh. Toivon, jotta tämä ei ollun viimeni kerta, kerto omie mielikuvie marafonin voittaja naisien kešen Aleksandra Merkulova.

Viimeni marafonin ošallistuja tuli loppuh, kun pihalla oli jo pimie. Hänen hiihtomatka kešti yli kahekšan tuntie. 

Marafonin järještäjien joukon šuunnitelmissa on jatkua viettyä marafonie. Hyö ollah varmoja, jotta enši vuotena še niise tulou unohtamattomakši.


ПОХОЖИЕ НОВОСТИ
Karjalan Sanomat
Alkuperäiskansojen kieliä käyttöön – Ruviki-verkkosivustosta tietoja löytyy karjalan ja vepsän kielillä
Uudessa verkkotietosanakirjassa tiedot ovat saatavilla monilla Venäjän kansojen kielillä. Sivustolla on julkaistu yli 29 000 erilaista artikkelia.
Karjalan Sanomat
VDNH-näyttelykeskus: Periodika-kustantamo esittelee toimintaansa Venäjä-messuilla
Kustantamon asiantuntijat kertovat karjalan- ja vepsänkielisistä sanoma- ja aikakauslehdistä sekä järjestävät erilasia tilaisuuksia ja työpajoja näyttelyn vieraille.
Karjalan Sanomat
Petroskoin lentoasema on palvellut yli 15 000 matkustajaa vuoden ensimmäisellä neljänneksellä
Karjalan asukkaat lentävät useimmiten Moskovaan, Sotšiin, Kaliningradiin, Mineralnyje Vodyyn ja Jekaterinburgiin.
Oma Mua
Periodika-kuštantamon päivyä pietäh Venäjä-näyttelyššä
Tänäpiänä VDNH-keškukšen Venäjä-näyttelyššä esiinnytäh Periodika-kuštantamon toimittajat. Hyö valmissettih mukava ohjelma näyttelyn vierahilla.
Периодика
Выставка-форум ”Россия” на ВДНХ: ”Периодика” представит свои книги и медиапроекты
Гости выставки познакомятся со СМИ на национальных языках Карелии, а также примут участие в интересных мастер-классах.
Kodima
Moskvan eläjad da adivod tundištasoiš vepsän kelenke
Necil nedalil “Periodika” ezitab ičtaze “Venäma”-ozutelusel Moskvas. Toižiden azjtegoiden keskes ozutelusen kävujad voiba tundištadas vepsän kelen erigoičusidenke.
Karjalan Sanomat
Ruskealan puistosta Ahinkoskelle — Vesiputoukselle pääsee bussivuorolla
Vuoro alkaa liikennöidä 28. huhtikuuta. Kohteeseen pääsee kymmenessä minuutissa.
Karjalan Sanomat
Investointihanke: Kontupohjan piiriin nousee murskauslaitos
Piirissä luodaan yli sata uutta työpaikkaa. Hankkeen kokonaisinvestointi on yli puolitoista miljardia ruplaa.
Karjalan Sanomat
Matkailuinfra: Zalavruga-kalliopiirrosten vierailukeskuksen rakennustyöt etenevät
Uusi matkailukohde ottaa vastaan vieraita ensi vuodesta. Vierailukeskus tarjoaa valtavan määrän palveluita.
Karjalan Sanomat
Naisille tarjolla uusia ammatteja – Yli 70 äitiyslomalla olevaa naista aikoo saada uuden ammatin
Tasavallassa naisille järjestetään kursseja etä- ja lähimuodossa. Tästä vuodesta alkaen uudelleenkoulutusta tarjotaan myös äitiyslomalla oleville isille, isoäideille ja huoltajille.
Войти
Регистрация
Пароль
Повторите пароль