Kanšalaisjärještöjen projektit voijah šuaha rahotušta
Karjalan kanšalaisjärještöjen projektit voijah ošallistuo piämiehen fondin kilpailuh ta šuaha rahotušta šen toteuttamiseh. Kilpailu alkau tänäpiänä 6. šyyškuuta.
— Tänä vuotena kilpailuo pietäh uuvvešša muuvvošša. Projektien ilmotukšie pitäy työntyä erikoisena digitalimuotona. Kilpailun fondi on 80 miljonie rupl’ua, niistä 50 miljonie annetah tašavallan b’utžetista ta 30 Presidentin granttien fondista, ilmotti kilapilun tašavallan ohjuaja, KT:n kanšallisen ta alovehellisen politiikan ministerijö.
Kilpailun alkamisen kynnykšellä oli pietty seminari, kumpasešša kerrottih kilpailun šiännöistä, ajanmiäräštä, projektien teemoista. Online-toimenpito piettih Kanšojen yštävyškojissa ta šiih otettih ošua yli 50 ihmistä. Seminarin nauhotuš šuau kaččuo KT:n kanšallisen ta alovehellisen politiikan ministerijön VK-ryhnmäššä. Šamoin šieltä šuau lisyä tietoja kilpailušta.
