Artur Parfenčikov vastavui Šuojun kyläkunnan eläjienke

Artur Parfenčikov vastavui Šuojun kyläkunnan eläjienke

22.03.2024
Karjalan piämies Artur Parfenčikov vastai Šuojun kyläkunnan eläjien kyzymyksih.
Šuojun eläjii enne kaikkie huolevutetah juodavan vien luadu, puaksut sähkönsammundat, guazun suandan jälles murrendetut tiet da meriekkualan probliemat. Kuva: Karjalan halliuksen joukkoviestimien palvelu
Šuojun eläjii enne kaikkie huolevutetah juodavan vien luadu, puaksut sähkönsammundat, guazun suandan jälles murrendetut tiet da meriekkualan probliemat. Kuva: Karjalan halliuksen joukkoviestimien palvelu

Šuojun kul’tuurataloin seinih kerdyi Šuojun, Yllözen da Šuojun stansien eläjii. Artur Parfenčikov vastai kaikkih kyzymyksih, erähät probliemat uskaldi sellittiä lähiaigua, erähienke tulou eliä hätkembän aigua.

Tärgevimii kyzymyksii oli vien luadu Šuojus. Vezi tulou Šuojun fatieroih da kodiloih Ukšjärvespäi. Vuvves 2021 Šuojun eläjät lyvväh hädäkelluo, kirjutetah žualoboi prokuratuurah: vezi kruanois da pihakolonkois on toiči keldaine, toiči maksankarvaine, astiloin pohjah vies jiäy raba. Probliemu on sit, ku vienpuhdistandusistiemu on ylen vahnu. Rahvas jo harjavuttih ostamah vetty juodavakse laukois, kel ollah mašinat — ajellah silmykaivoloile. 

— Myö ezmäi annammo vetty tutkittavakse, sit duumaičemmo, valličemmo ei kallehet variantat (kui suau puhtastua vetty, - toim.), ku tuliel aigua laitoksele da kylän eläjile ei pidäs maksua äijiä den’gua sen toimindah, sanoi rakendusministerstvan piämies Viktor Rossipnov. 

Pidäy mainita, ku Šuojus yksikubometri vetty maksau 90,17 rubl’ua, lähäl olijas Petroskois se maksau 48,79 rubl’ua. 

Šuoju kylä kazvau da levenöy ruttoh: tänne joga vuottu liženöy rahvastu, kyläh muutetah linnalazet, nostetah uuzii kodiloi. Enimät rahvas lämmitetäh omii taloloi sähkölaittehien vuoh, mostu sähkön käyttyö sähkösistiemat jo ei kestetä, tuli kodilois puaksuh sambuu, toiči rahvas ollah sähköttäh monien čuassuloin aloh. Artur Parfenčikov uskaldi, ku lähiaigua tämä probliemu häviey: Poštan kyläh nostetah uuttu sähköstansiedu da Šuojun kylä on hyvin gazifisiituittu tänäpäi, omien kodiloin lämmityksekse rahvas kallehen sähkön sijah ruvetah käyttämäh guazuu.

On guazun suandal kyläh pahuagi puoldu. Luonnon guazuu Šuojun monile uuličoile suadih mennyt vuon. Dorogan guazutruvoin azettamizen jälles ollah pahas kunnos. Erähis kohtis sygyzyl da keviäl ni mašinal ei sua ajua, lapsienkel kal’askal et piäze nivouse. Artur Parfenčikov on andanuh käskyn Gazprom-laitoksele panna kundoh kai murrendetut tiet tämän vuvven kezäkuun 30. päivässäh.

Vahnemban polven rahvas ollah huolis, ku Šuojun feršalipunktas jo kodvan aigua ei ole hammaskabiniettua, eigo ole ni naizien vračua. Feršalipunktu ruadau endizen yhteiskylyn talois, sie ei ole tilua nämmih kabiniettoih niškoi. 

— Jo keviäl jatkau ruaduo liikkuju stomatolougien kabiniettu (stomatolougien kabiniettu rattahil, avtoubussu, - toim.), grafiekku on jo luajittu, sanoi Artur Parfenčikov. — Tiettäväine, se on vai väliaigaine problieman sellitys. Šuojul pidäy nygyaigaine ambulatourii. Tervehyönhoido-karnzallizen projektan hyvyös jo nostimmo moizet ambulatouriet Solomannih da Čalnah. Otammo pluanoih sen nostamizen lähimäzekse viijekse vuottu. 

Karjalan piämies pani merkile sengi, ku tänäpäi Petroskoih nostetah polikliiniekkua Oniegurannikon piirin eläjih niškoi. Voi olla, ku se roih valmis jo tänävuon. 

Avvoi on jiännyh kyzymys Južnaja-pihan kylätieh nähte. Tämä tie on Južnaja-pihan da Kolov Ostrov -suaren eläjien ammuine kibu. Šuojun kyläkunnan piälikön Anastasija Sokolovan sanoin mugah, tien luadimizeh pidäy piäl 21 miljounua rubl’ua. Mostu den’gua kyläkunnan b’udžietas ei ole, ei ni rodei.


ПОХОЖИЕ НОВОСТИ
Karjalan Sanomat
Kirja kuvituksineen 2 – Näyttely sai jatkoa
Petroskoin kaupungin näyttelysalissa tänään avautunut näyttely tutustuttaa paikallisten lastenkirjojen kuvittajien töihin.
Karjalan Sanomat
Alkuperäiskansojen kieliä käyttöön – Ruviki-verkkosivustosta tietoja löytyy karjalan ja vepsän kielillä
Uudessa verkkotietosanakirjassa tiedot ovat saatavilla monilla Venäjän kansojen kielillä. Sivustolla on julkaistu yli 29 000 erilaista artikkelia.
Karjalan Sanomat
VDNH-näyttelykeskus: Periodika-kustantamo esittelee toimintaansa Venäjä-messuilla
Kustantamon asiantuntijat kertovat karjalan- ja vepsänkielisistä sanoma- ja aikakauslehdistä sekä järjestävät erilasia tilaisuuksia ja työpajoja näyttelyn vieraille.
Karjalan Sanomat
Petroskoin lentoasema on palvellut yli 15 000 matkustajaa vuoden ensimmäisellä neljänneksellä
Karjalan asukkaat lentävät useimmiten Moskovaan, Sotšiin, Kaliningradiin, Mineralnyje Vodyyn ja Jekaterinburgiin.
Oma Mua
Periodika-kuštantamon päivyä pietäh Venäjä-näyttelyššä
Tänäpiänä VDNH-keškukšen Venäjä-näyttelyššä esiinnytäh Periodika-kuštantamon toimittajat. Hyö valmissettih mukava ohjelma näyttelyn vierahilla.
Периодика
Выставка-форум ”Россия” на ВДНХ: ”Периодика” представит свои книги и медиапроекты
Гости выставки познакомятся со СМИ на национальных языках Карелии, а также примут участие в интересных мастер-классах.
Kodima
Moskvan eläjad da adivod tundištasoiš vepsän kelenke
Necil nedalil “Periodika” ezitab ičtaze “Venäma”-ozutelusel Moskvas. Toižiden azjtegoiden keskes ozutelusen kävujad voiba tundištadas vepsän kelen erigoičusidenke.
Karjalan Sanomat
Ruskealan puistosta Ahinkoskelle — Vesiputoukselle pääsee bussivuorolla
Vuoro alkaa liikennöidä 28. huhtikuuta. Kohteeseen pääsee kymmenessä minuutissa.
Karjalan Sanomat
Investointihanke: Kontupohjan piiriin nousee murskauslaitos
Piirissä luodaan yli sata uutta työpaikkaa. Hankkeen kokonaisinvestointi on yli puolitoista miljardia ruplaa.
Karjalan Sanomat
Matkailuinfra: Zalavruga-kalliopiirrosten vierailukeskuksen rakennustyöt etenevät
Uusi matkailukohde ottaa vastaan vieraita ensi vuodesta. Vierailukeskus tarjoaa valtavan määrän palveluita.
Войти
Регистрация
Пароль
Повторите пароль