1.
– Tervhen! Kus olid?
– Tervhen! Olin laukas.
– Ostid-ik midä-ni?
– Ostin čoman plat’t’on.
– Nügüd’ sinai om midä panda päle Udeks Vodeks.
2.
– Void-ik keratas pigemba? Minai ei ole aigad varastada sindai.
– En voi! Ei ole midä panda päle.
– Kut-žo ei ole? Sinai om čoma plat´t´o. Se ripub škapas.
– Se om vanh. Ut plat´t´od minai ei ole.– Minä pezin sen, se om villaspäi. Nügüd’ se om lühüd.
3.
– Lähted-ik külähä sobatan?
– Lähten!
– Mil lähted?
– Ičein mašinal lähten. Tedad-ik, ved’ ostin uden. Nügüd’ minai om must BMV-mašin.
– Otad-ik mindai kerdale?
– Otan, tule vaiše ičeze aigan, ala möhästu.Kaikuččel – ičeze mägi,
Kaikuččel – ičeze kaum...
Tähthaižen homencel nägen,
Dengoid völ kormanas om.
Jokstase jänišad-voded,
Pördamoiš kodinnoks mest.
Kaikuččel – ičeze jogi,
Kaikuččel – ičeze mec.
Nores mö uradad olem,
Tuleb i meidennoks mel’.
Kaikuččel – ičeze elo,
Kaikuččel – ičeze kel’.
Valentina Rogozina
Kaži eläb mecas,
Vilul pahal tal’vel.
Venub raukoi penzhas,
Eile päčid hänel
Venub kaži oksal,
Mectusel sab sömäd.
Kenak nece linneb?
Il’bez kažin nimi.
***
Kurgut sündui surel sol,
Täs must variš eli völ.
Äi ol’ linduid päiväl sol,
Vaiše hübjut lendli öl.
