Vologdan agjan Babajevon rajonas eläb 412 vepsläšt. Pičuižes vepsläižiden elotahos anttas äi väged, miše kaita kodikel’t da antta rahvahan melevut norembale pol’vele. Sijaližiš lapsiden päivkodiš da školiš radaba lapsiden pajo- da muzikgruppad: ”Kastkuine”, ”Kelloine”, ”Linduižed” da ”Purdaine”. Kollektivad radaba erazvuiččiš elotahoiš, edahan toine toižespäi. ”Vepsläižed poimetišed”-projekt abutab heile ühtenzoittas da tehta radod, miččes voib kosketadas toine toiženke, vajehtadas tedoil da mahtoil. Planuitas tehta nel’l’ festivalid erazvuiččile temoile: vepsän rahvahan tradicijad, fol’kolor da etnografii, leteratur da vepsän rahvahan istorii.
— Mö tahtoim avaita lapsiden lahjavut, abutada heile tundištadas toine toiženke, kosketadas, mugažo antta lapsile tedoid meiden vähäluguižen rahvahan polhe, sen tradicjoiš, sanub projektan ohjandai Svetlana Loginova.