Tule Kindahah da sua luba tabuamah čakkoi
08.06.2021
Tänävuon kuulužale Kindahan kyläle täydyy 525 vuottu. Kyläs jo 35 kerdua ruvetah pidämäh juumoran festivualii, kuduan aigua voibi kuunnella Kindahan zuakkunoi da pidiä iluo.
Festivualin aigua rubieu ruadamah Kindahan Arbuattu, kudual voibi ostua neroniekoin luajittuloi lahjoi da muudu. Kuva: Elina Potapova
Kindahan kylän juumorufestivuali pietäh kezäkuun 19. päivänny. Pruazniekan aigua ruvetah ruadamah piäl 20 eri “aholoi”, kus voibi, sanommo, šuorivuo kanzallizih ruuttih da kižata karjalazih kižoih. Festivualis voibi suaja “virralline luba” tabuamah čakkoi, ku euonnet omas kämmenes 36 čakkua. Yhtyö pidoloih voibi ilmazeh. Festivuali pietäh 10.00-16.00 aigah.
– Festivualin aigua rubieu ruadamah kaiken suvaittavu Pie häkki sarvis -kylän elättiparku, kus voibi nähtä hebo, kozii da kozabošši. Luonnon helmas voibi juvva čuajuu käbylöil kiehunnuos samvuaras. Uskaldammo hyviä siädy, sanoi festivualin ohjuajii Svetlana Hrebtova.
Kindahan kyläs voibi piästiä avtoubusoil Petroskoilpäi libo omal mašinal – kyläs luajitah mašinoin piendykohtu.
ПОХОЖИЕ НОВОСТИ
