Projektan ühtnikad matkustiba ezmäižehe ekspedicijaha. Ühtes marafonas om seičeme agjad: Kemin, Belomorskijan, Kondimägen, Kondopogan, Oloncan, Änižjärven da Petroskoin.
- Mö löuzim melentartuižid ezituzkaluid da saim ihastust mänetadud aigaspäi da ristituidenke paginoišpäi. Spasib kaikile armastuses Kodimale, sanui Vepsän etnografižen muzejan pämez’ Natalja Anhimova.
Ezmäine ekspedicijan ühtnikad oleskeliba Mägi-küläs, mi om läz Šoutjärved, kus nügüd’ keza-aigan eläba vepsläižiden jäl’genikad. Mägel kaičihe vanh kivipühäkodi. Sijaližed eläjad anttihe ”Kiži”- da Vepsän etnografižehe muzejihe ezituzkaluid. Ekspedicijan jäl’ghe Vepsän rahvahaližes muzejas mäni mastar’-klassoid.
- Nece om unikaline voimuz oleskelda mugoižiš sijoiš da tundištadas neniden ristituidenke, sanub projektan ühtnik Aleksandra Aniskina.
Projektan tegii om ”Baltianmeren-suomalaižiden rahvahiden liga”, ohjandai om Anna Anhimova, ”Kiži”-muzejan radnik.