Mäniba ezmäižed sjomkad ”Kuki-rikku”-videožurnalan täht
Videorolikoiden sjomkoihe ühtniba Suomalaiž-ugrilaižen školan 2.-3.-klassoiden openikad, kudambad tedaba karjalan kelen pohjoižkarjalan paginad.
— Kacmata kaikihe jügedusihe lapsed tegiba kaiken, miš heid pakitihe. Meil oli lujas vähä aigad, no ehtim tehta kaiken, midä planuičim. Sjomkad om mugoine endustamatoi azj, miše kaikuččen kerdan pidab olda vaumhen äkkičuzihe. Ozutesikš, necil kerdal pölünimurič, mitte čomin radoi edel sjomkoid, äkkid zavodi mureta, sanub ”Kuki-rikku”-videožurnalan ohjandai Julia Potahina.
Johtutam, miše Karjalan mediakeskuz vaumičeb Rahvahaližen da regionaližen politikan ministerstvan raha-abul jumoristižen žurnalan, miččehe mülüba videorolikad Karjalan rahvahalizil kelil. Kaiken projektaha ühtneb ühesa last, kudambad vändaba videorolikoiš ühtes Karjalan Rahvahaližen teatran akt’oroidenke.
