Kut opeta kel’t kalendarin abul?

Kalendar’ tuleb hüvän abunikan kelen opendamižes. 6+. Kuva: Natalja Denisova

Karjalan 100-voččen jubilejan voden lopus om pästtud eloho interaktivine kalendar’ 2021. vodeks. ”100 sanad Karjalas”-projektan aigan kaik tahtnikad voiba tedištada 100 ut sanad Karjalan polhe karjalan, vepsän da suomem kelel.

— Voib sanuda, nece kalendar’ om kut projektan lop’, mugažo nece  om projektan jatktand, sikš miše ristitud, kudambad ostaba necen kalendarin, voiba opeta kel’t sen abul völ kogonaižen 2021.voden, sanub Inna Nippolainen, Mediakeskusen pämez’ da projektan tegii.

Ühtes projektan pirdajanke, Dmitrii Dmitrijevanke, kalerdar’ om tehtud interaktivižen. Kalendaril om sada sanad Karjalan polhe da niiden kuvad. Kalendarin komplektaha mülüba sanoiden tartutesed, miččid voib klejata kuvan sirhe. Kaik tahtnikod voiba ostta kalendarin ičeleze vai lahjaks, sen täht, miše opeta kelid da hüvin mänetada aigad.

Projektan tegijad oma “Periodika”-paindišt da Karjalaižiden, vepsläižiden da suomalaižiden mediakeskuz.