Kižin muzein lapsien muzeikeskus vuottau lapsii interaktiivizih ekskursieloih da master-kluassoih. Sie on avattu uuzi ozuttelu “Hebo-tuli”.
Hevon kuvii voibi nähtä muanruadajan taloin levol, kuožaliloil, kirjondehis. Heboine on armas muanradajien lapsien boba. Sen avul lapsi tuttavuu muailmah.
— Juuri hevot oldih muanruadajien piäabuniekat. Net peldoloi kynnettih, gruuzuloi vedeltih, pruazniekoile da jarmankoile rahvastu viettih, sanou Lapsien muzeinkeskuksen muzeinopastuksen piämetodistu Anna Isakova.
Ozuttelus voibi “val’l’astua” hebo, “juosta ruagieh” hevol, “ajua” regilöil, elostua puuheboloil, kuunnella hevon kellozen helinehty, kačahtuakseh “tahnuoh”, kus eletäh kodielätit, varustua bohatterii matkah da muudu.
Kirjuttuakseh interaktiivizeh ekskursieh da master-kluassoih voibi telefonois +7921 455 65 66 libo Kižin muzein lapsien muzeikeskukses adresil Fedosovan uuličču, 19.