Kezakun ”Kipinän” nomer vepsän kelel läksi eloho
Kezakun ”Kipinän” nomer vepsän kelel läksi eloho. Udes nomeras ezmäižel lehtpolel lugijoid varastaba kezaprimetad, miččid oli kirjutadud rahvahas. Kaikenaigližes ”Tedat-ik tö?”-rubrikas tö voit tedištada, miččed mäged oma kaikid korktembad i voiba-ik ned peneta.
Völ tö voit lugeda udes nomeras, kut tehta magukahan keitosen purdeheinäspäi da pagišta toine toižidenke sömižen polhe Kipinän vändon abul.
— Kezal kaik ristitud navediba kävelta mecas, poimda marjoid da babukoid. Kipinän lehtpolel om kirjutadud nevondoid, miččed voiba abutada sinei löuta tehut kodihesai, ku sinä olen segoinu, - sanui kulehtesen toimitai Darja Švecova.
Mö jatkam matkustada Karjaladme meiden sebranikoidenke-živatoidenke. Teid varastab uz’ komiks da uz' matk.
Kipinän nomeran lopus tradicijan mödhe om pandud melentartuižed tegendad, kuvaozoitesed da vändod. Avaikam kulehtesed da väkam ühtes.
