Karjalas tedotadihe siš, miše 2021.voz’ om omištadud Karjalaižile runoile. Karjalas planuitas äi erazvuiččid azjtegoid, ozutelusid da vastusid. Üks’ tegijoišpäi om Karjalan valdkundan Rahvahaližen da regionaližen politikan ministerstv.
— Ministerstv tegi azjtegoiden planan vodeks. Nügüd’ ühtes Kelen, literaturan da istorijan institutan radnikoidenke mö vedim radod ” Karjalaižiden runoiden voz’”-Vkontakte-gruppas, sanub, Aleksandra Anufrijeva, Rahvahaližen da regionaližen politikan ministerstvan radnik.
Voden surembiden azjtegoiden keskes om ”Karjalaižiden runoiden päiv”-seminar, mitte linneb redukus Kalevala-küläs. Löuta tedoid Karjalaižiden runoiden voden azjtegoiš da vastusiš voib Rahvahaližen da regionaližen politikan ministerstvan saital i sen Vkontakte-verkon gruppas.