Karjalan Rahvahaline muzei ozuti rahvahaližiden Gerojiden unikaližid veššid. Ozutandal oli Karjalan Rahvahaližen muzejan fondoiš kaitud tetaban Karjalas taidehpirdajan Veniamin Popovan kuvad, miččil hän kuvazi vodel 1944 Anna Lisicinad da Maria Melentjevad muzejan täht, mugažo Iz’aslav Markovičan bareljefad pus (1948. v.), miččiš om kuvatud partizanoiden elo da Anna Lisicinan surm. Ozutandal oliba mugažo Anna Lisicinan plat’t’o, mittušt hän pani päle edel voinad, i mittušt (siloi) Kodiröunan muzejale andoi neičukaižen tatoi Lisicin Mihail Ivanovič.
- Läz kaikid azjbumagoid, miččed oma meiden muzejas, andoiba neičukaižiden läheližed. Tägä oma Anna Lišičinan pasport, kirjeine Maria Melentjevan kolendas, neičukaižiden škollehtikod i muga edemba, sanub Karjalan Rahvahaližen muzejan ”Kirjutuzlähtked”- fondan kaičii Diana Proc.
Johtutam, miše tedištelijad Anna Lisicina da Maria Melentjeva koliba tehtes vointegod. Vodel 1942 heile anttihe Rusttan Tähthaižen ordenad, a vodel 1943, sijaližen valdmehišton taguiči – Sovetskijan Sojuzan Gerojiden nimed.