Änižröunan Kalagʼ-posad varastab kevät. Zavodiše Maidenedal’. Kalages pühäpäivän pidetihe sur’ praznik. Praznik kerazi posadan eläjid Änižen randal. Rahvast söttihe pudrol, jottihe čajul pirgoidenke. Praznikale kuctihe Stʼag-klub, mitte ozuti bojun rekonstrukcijan: sovetskijad saldatad polestiba kodiröunad.
A sil aigal läz 30 kalanikad kalatiba Änižes. Sada necil päiväl kalad oli ani jüged azj, sä järves oli ani huba. No kova tullei da lumi ei telustand kalanikoile pit’kha varasatada kalad išttes jän karaižidenno.
— Pidab, miše tullei oliži kova. Miše oliži jüged eskai seišta jaugoil. Siloi kalad linneb äi, sanui Sergei Hardikainen, üksʼ kalanikoišpäi.
Hänele ozastui sada sig-kalan, mitte oli necil päiväl kaikid suremban sadud kalan. Sikš Segei Hardikainen tegihe vägestajaks i sai lahjaks kangazkodan talʼven kalatesen täht.
Kalanikoiden voibištelendan om vedänu Kalagen administracii. Posadan pämehed toivoba tehta praznikan tradicijaks.