Šanelu 2024 karjalan ta vepšän kielellä -aktijo alkau tänä vuotena šulakuun 19. päivänä Petroskoin valtijon yliopistošša.
— Tänä vuotena aktijon järještäjänä on Vepšäläisen kulttuurin šeura Karjalan kanšallisen ta alovehellisen politiikan ministerijön šekä Karjalan piämiehen granttifondin kannatukšella. Šanelun tekstilöiksi valitah perehen perintehillä ta tavoilla omissettuja tevokšien katkelmie, šelitettih aktijon järještäjät Šanelun Vkontakte-ryhmäššä.
Tänä vuotena šaneluja kirjutetah karjalan kielen vienan, livvin ta lyydin murtehella šekä tverinkarjalan murtehella ta vepšän kielellä. Aktijo on omissettu Karjalan ta vepšän kirjakielen päivällä. Šanelu-aktijon partn'orina on Karjalan TV- ta ratijoyhtyveh. Šanelujen lukomini kuvatah ta näytetäh telelähetykšeššä.
Viime vuotena šaneluo kirjutettih yli 70 kentällä ta aktijoh liitty yli 1200 henkie.
Aihiešta voit lukie niise šuomekši ta vepšäkši.