Karjalašša on startannun uuši kilpailu. Karelia PRO100 -kilpailuh voijah ilmottautuo perehet Priäžän, Oneganrannan, Šuojärven, Aunukšen, Kontupohjan piirilöistä šekä Petroskoista.
— Kilpailun aihiena on neuvoštoklassikon Aleksandr Vampilovin tevoš Kojin ikkunat ovat pellolla päin. Ošallistujien pitäy miettie ta esitellä, mitein hyö ymmärretäh tevokšen nimen merkityštä, kilpailun ohjuaja Anna Anhimova kertou.
Lyyrini komedija kertou rakkahuošta, šilloin aihiešta, kumpani on nykytärkie kaikkina aikoina. Karjalan kanšallini teatteri on luatin kirjailijan starinan vepšän kielellä viime vuotena.
Kilpailušša on viisi šarjua. Ne košetah käsitöitä, karjalaisien ta vepsäläisien ruokakulttuurie tahi kotišeutuo.
Kilpailuh otetah vaštah kolmen minuutin videot karjalan, vepšän ta venäjän kielellä.
Kilpailijat voijah ilmottautuo kilpailuh 30. pimiekuuta šuaten. Videot on lähetettävä šähköpoštih etnokarelia@yandex.ru