Karjalan ta Murmanskin alovehen muasterie kučutah seminarih
8.–9. šajekuuta enšimäini seminari pietäh Petroskoissa ta Priäžäššä. Seminari pietäh etnokulttuurikeškukšien, kulttuurilaitokšien, paikallisien järještöjen spesialistija varoin. Piäteemana on etnokulttuurini kehityš.
— Seminarin tarkotukšena on šuurentua kantakanšojen järještöjen ta paikallisien šeurojen mahollisukšie kulttuuriperinnön šäilyttämiseššä, perintehellisien tietojen šiirtämiseššä, arvojen ta henkillisyön eistämiseššä. Ohjelman rajoissa ošallistujat šuahah metodista ta opaššuškannatušta, šelitettih seminarin järještäjät ECHO-liiton spesialistit.
Seminarin ekspertiloina ollah kantakanšojen oikeukšien, kielien šäilyttämisen ta etnokulttuuriperinnön, toimenpitojen järještämisen ta ohjamisen spesialistit Moskovašta, Murmanskin ta Kirovin alovehelta šekä Karjalašta.
Priäžäššä seminari pietäh 8.–9. šajekuuta, Muranskin alovehella Luujärveššä 12.–13. šajekuuta ta Koštamukšešša 15.-16. šajekuuta. Kirjuttautuo šuau ECHO-liiton šähköpoštin kautti.
