Karjalaiset voijah ošallistuo kanšainväliseh kirjutuškilpailuh

Kilpailun järještäjät Rune Bjerkli ta Elsa Ingilæ Haldorsen šuunnitellah luatie kilpailu jokavuotisekši. 6+. Kuva: Pikku-Suomi AS

Norjan, Šuomen, Ruočin ta Venäjän kirjuttajie yhistäy Kielimestarit-kirjutuškilpailu, kumpani pietäh Norjašša 25. šajekuuta—1. talvikuuta. Kirjutukšien teemat ollah avonaisie, ka tevokšen koko on rajotettu — 2000 šanua. Niise šen ei pie olla missänä vielä julkaistuna.

— Kilpailuo järješšämmä enšimmäistä kertua, ka šuamma äijän kirjutukšie, min takie tahomma pityä kilpailu joka vuosi. Kilpailun piätarkotukšena on noštua kiinnoššušta šuomen kieleh, ta šamoin vuotamma nuorie ošanottajie, šano kilpailun järještäjä Rune Bjerkli.

Kilpailun tulokšet ilmotetah pakkaiskuun 24. päivänä. Voittajat šuahah palkintoja.

Kilpailun šiäntöjä voit lukie šivulla.