1.
- Kačo šie, onko miula puikko šormešša?
- Ka puikko.
- Mitein še vois šieltä ottua?
- Ka vuota šie, yritän nieklalla.
- Niekla pitäy olla terävä ta puhaš.
- Kačo, šain puikon šormešta.
2.
- Kačo šie, Anni, mimmoni on vahna kuva. Še on meijän pereh vuotena 1907.
- Ken tämä mieš on kuvašša?
- Muššašša puvuššako? Tämä on šiun pravoukko Iivana.
- A ken on tämä šoma naini ruškiešša mekošša?
- Tämä on šiun pravoämmö Našto.
- A ken on toisešša rivissä viimeni oikielta päin?
- Še on ukon šeukku Pekka, hiän ruato koulušša opaštajana.
Дополнительные материалы:
Pikkulintu nimetöin
Pikkulintu nimetöin
Eli vešakošša.
Šiäkšie, kärpäsie še šöi,
Lauleli koivikošša.
Linnun käpälihis kišša šai,
Še varteičči šitä aina.
Repo kiššan tavotti,
Še oli niin herkkumaini.
Hukka nälissäh revon šöi,
Ta iče šiitä anšah puuttu.
Ukko šen hukan kotih toi,
Ompeli turkin ta torilla möi.
Ta šiinä ois ni koko juttu.
Vain kun päiväni valkuou,
Kotipihah ukko linnun tuou,
Ta kaikki uuvveštah alkau.
Tatjana Lehto
