Uuši opaššušvuosi alko Karjalan tuhansilla lapšilla
Enšimmäini opaššušpäivä oli tänäpiänä Venäjän kouluissa. Juhlalliset toimenpivot piettih joka luokašša.
Karjalan eri kouluissa ruvetah opaštumah karjalan kieltä. Nämä koulut ollah Petroskoissa šekä kylissä ta pos’olkoissa, missä eletäh karjalaiset ta šäilytetäh karjalaista kulttuurie.
— Kalevalan koulušša tanä vuotena on kakši enšimmäistä luokkua. Yhen luokan lapšet ruvetah opaštumah karjalan kieltä jo tänä vuotena. Heitä nyt on viisi, šano Jelena Akulič Kalevalan koulun alkuluokkien opaštaja.
Karjalašša enšimmäiseh luokkah mäni 7 300 lašta, heistä Petroskoissa on 3 805 enšiluokkalaista. Koko tašavallan kouluissa opaššušvuosi alko 71 000 koululaisella. Tietoja kaikista lapšista, kumpaset opaššutah karjalan kieltä valmissetah myöhemmin.
