Pakkaisukon taikajuna tulou Petroskoih pyhänäpiänä
08.01.2022
Pakkaiskuun 9. päivänä Venäjän tärkein Pakkaisukko joukkoneh tulou Karjalan piäkaupunkin rautatieašemalla.
Petroskoih Pakkaisukon šiirtyjä residenssi tulou 9. pakkaiskuuta. Kuva: Karjalan halličukšen virallini VK-šivu
Talvitaikurin juna Velikii Ust’ug -kaupunkista kulkou Venäjyä myöten ta kohta tulou Karjalah. Petroskoih starinallisešti korissettu Pakkaisukon šiirtyjä residenssi tulou 9. pakkaiskuuta.
– Juna talvitaikurin ta hänen starinallisen joukon kera tulou Karjalan piäkaupunkin ašemalla pyhänäpiänä klo 15.25. Junan šeisatukšen aikana kaikkie kävijie vuottau juhlallini huviohjelma, mi alkau kahtakymmentä minuuttie ennein junan tuluo. Ihmiset šuahah käyvä ni Pakkaisukon residenssissä, još etukäteh oššetah lippu, ilmottau Karjalan halličukšen lehistöpalvelu.
Taikajunan muutoma vaunu avatah ilmaista käyntie varoin. Ne ollah vaunu valokuvahyttineh, ravintola-vaunu pohjoismaijen ruokineh ta kauppa-vaunu suveniirineh ta makijaisineh.
POJAVAD KIRJUTESED
