Šyyškuušta teatteriryhmällä alkau vierailuesitykšien kuukauši.
Šyyškuun 5. päiväštä Aleksandr Ovčinnikovin Auto ajau meren luokše -näytelmä esitetäh Jaltašša kanšallisien teatterien Krimin teatterišykyšy -festivalissa.
Šyyškuun 11. päivänä V’ačeslav Pol’akovin Katrilli-näytelmä ošallistuu Federatijo-festivalih Groznii-kaupunkissa. Lisäkši, festivalin rajoissa esitetäh Peer Gynt: kolme novellie -spektakli.
Šykyšyllä Art’om Ustinovin Muššan Mečän starinat -näytelmä ottau ošua kanteh festivalih Moskovašša.
Šyyškuun 25.–26. päivinä on Ravenscroftien perehen šalat -detektiivispektaklin enši-ilta. Näytelmä pohjautuu amerikkalaisen dramakirjuttajan Don Nigron šamannimiseh tevokšeh.
Elo-pimiekuušša Venäjän Federatijon presidentin grantin varoilla toteutetah Teatterimatka-projektie, kumpasen rajoissa on šuunniteltu kakši virtualiekskursijuo: teatterie ta Loisto meren piällä -spektaklie myöten.
Šuomen kielen netäli alkau 24. šajekuuta italijalaisen dramakirjuttajan Dario Fon näytelmih pohjautujan monospektaklin enši-illašta.
Pimiekuun 13.–14. päivinä kaččojat nähäh ohjuajan Murat Abulkatinovin (Moskova) Mie olen muštalistalla -näytelmän enši-ilta. Še kiinittäy šekä nuorien jotta aikuhisien mieltä.