Elokuun 1. päivänä Leningradin alovehen Priozersk-kaupunkissa oli pietty valintakilpailut gorodki-peluajien kešen. Niijen tulokšien mukah oli kovottu Venäjän piäjoukko. Kyykkä-pelin piäjokkoh piäši Žanna Tikkanen.
– Valintakilpailun tulokšien mukah mie piäsin toisella paikalla. Še merkiččöy, jotta rupien esiintymäh Venäjän puolelta piäjoukošša. Nyt piemmä harjotteluja ta meijän kilpailut aletah huomena. Toivon, jotta näytän hyvie tulokšie, šano Žanna.
Žanna Tikkanen on kotosin Kalevalašta, tänä vuotena hiän šai kyykkä-pelin urheilumestarin kandidatin arvonimen. Lukusie voittoja eri tašon kilpailuissa annettih hänellä matan Muailman mestaruoh. Toivotamma Žannalla tehokkahie lyöntie ta lykkyö tulijissa kilpailuissa.
Viralliset Muajilma meštaruon avajaiset pietäh Priozerskissa tänäpiänä.