Šulakuun 19.—26. päivinä šaneluja voipi kirjuttua 52 avonaisella kentällä Karjalan piirilöissä, Tverin, Vologdan ta Leningradin alovehilla.
— Šanelujen tekstit oli luvettu Karjalan TV- ta Ratijoyhtijöššä. Ne näytetäh Rossija-1-kanavan lähetykšissä piäkentällä šanulun kirjuttamisen jälkeh, jotta kaikilla, ket ei voija tulla šaneluh olis mahollisuš kirjuttua šitä koissa, šelitettih Šanelun järještäjät omašša Vkontakte-ryhmäššä.
Tänä vuotena aktijon järještäjänä on Vepšäläisen kulttuurin šeura Karjalan kanšallisen ta alovehellisen politiikan ministerijön šekä Karjalan piämiehen granttifondin kannatukšella. Šanelun tekstilöiksi valittih perehen perintehillä ta tavoilla omissettuja tevokšien katkelmie.
Šaneluja kirjutetah karjalan kielen vienan, livvin ta lyydin murtehella šekä tverinkarjalan murtehella ta vepšän kielellä.
Aktijo on omissettu Karjalan ta vepšän kirjakielen päivällä, kummaista vietetäh 20. šulakuuta.
Aihiešta voit lukie niise venäjäkši.