“Balalaika”-sebr oli tehtud “Baltianmeren suomalaižiden rahvahiden ligan” abul i radab nügüd’ “Kiži”-muzejan pohjal. Sebr om avoin kaikile, ken tahtoib opetas vändmaha balalaikal.
— Sebran ühtnikad keradasoiš kaks’ kerdad kus. Sinna voiba tulda ristituid, kudambad nikonz ei olgoi pidänuded vändimid kädes. Olgha heil vaiše taht väta balalaikal. Vändimed anttas repeticijal, sanub üks’ sebran sädajišpäi, projektan kurator Anna Anhimova.
Täl vodel sebran planoiš kucta kaikuččele repeticijale erazvuiččid rahvahiden kul’turan tedajid ozutamha mastar’-klassoid. Necen pühäpäivän “Balalaika”-sebraha tuleb “Periodika”-painišton radnik Margarita Kemppainen. Hän om tetab omblii: Margarita tegeb Karjalan igähižiden rahvahiden sädoid tätüižiden täht.
— Sikš ku nece om perehen voz’, minai sündui idei kerata kogonaižid tätüižiden perehid. Vastusele minä ton mugoižen tätüperehen Karjalan rahvahaližiš sädoiš i starinoičen ičein idejas tehta virtualine tätüpaja, miččen abul ristitud saba tedoid Karjalan rahvahaližen sädon erigoičusiš da voiba ice ombelta sidä ičeze tätüižile, starinoičeb Margarita.
Sebran vastuz mäneb 28. vilukud 14 časud Fedosovan irdal, 15.