Leibäta ei sa eläda – Ondrei и Santra starinoičeba vepsläižen sömižen erigoičusiš

Toižen voz’kursan openikad starinoičeba vepsläižiden sömižen erigoičusiš. Ozutesikš, rugižjauhod vepsläižed otliba armhiden paštatesiden vaumištades: konz pašttihe kalitkoid, skancoid da kalakurnikoid. 6+ Kuva: Projektan grupp VKontakte-lehtpolel

Karjalaiž-vepsläižen šoun uden süžetan sjomkoihe ühtniba Karjalan Tehnologijan da biznesan kolledžan openikad.

Mittušt jauhod segoitadihe lumenke, mitte sömine oli enamba mel’he norištole da mil anop’ adivoičeti vävud? Karjalaiž-vepsläižen šoun ühtnikad starinoičeba vepsläižen sömižen erigoičusiš ičeze udes vipuakas.

— Süžet starinoičeb melentartuižiš vepsläižiden rahvahaližiden sömižiden faktoiš. Mö kuvazim sidä Karjalan Tehnologijan da biznesan kolledžas openikoidenke, kudambad opendasoiš paštajikš. Hö surel tahtol ühtniba sjomkoihe, sanub projektan vedäi Aleksandra Aniskina.

“KV-show”-projektan vipuskad voib kacta “Oma Media” -portalal da mugažo “YouTube” -kanalal.

Uzištoid neciš temas voib lugeda mugažo venäks.