Konferencii: Nikolai Abramovan elo da sädairad
Tetaban vepsläižen runoilijan Nikolai Abramovan kodimal hänen muštoks, 60-voččeks jubilejaks, mitte oliži 24. vilukud, vaumitas erazvuiččid azjtegoid.
Nügüd’ Podporožjen päkirjištos radab ozuteluz “ Каждому – вера и слово…”. Ozutelusel om ezitadud Nikolai Abramovan runokogomused vepsän i venän kelil.
— Lugijoil linneb hüvä voimuz tundištadas uden kirjanke. Nece om johtutesiden kogomuz runoilijan polhe. Sen prezentacii linneb III konferencijal, mitte omištase Nikolia Abramovale i mitte tehtas vilukun 27. päiväl Podporožjen päkirjištos online-formatas, sanub kirjišton pämez’ Galina Artemjeva.
Miše ühtneda konferencijaha, pidab vaumita videoezituz i oigeta adresadme podlib@yandex.ru 25. päivähasai vilukud. Kaik videos’užetad voib kacta kirjišton saital.
Vastuz ühtenzoitab Nikolai Abramovan sädandradon arvostaijd erazvuiččiš agjoiš i maiš. Kaikutte voib tundištadas Nikolai Abramovan elonke i literaturjäl’gendusenke.
