“Kiži”-muzejas ezitadihe “Periodikas” lähtnu uz’ kirj

“Tohi Karjalas” -kirjan tiraž om 300 ekzempl’arad. Se jagatas ilma maksuta. 6+. Kuva: Galina Baburova

Läksi eloho “Tohi Karajalas” -kirj. Kirjas om ezitadud Karjalan parahimiden tohimastariden tehmusid, kirjutesid neniš mastariš da eskai erasiden tehmusiden kuvadandan shemoid. Sen tegijad oma Dmitrii Moskin da Irina Titova.

Kirj om vaumitud “Baltianmeren suomalaižiden rahvahiden ligan” pakičusen mödhe.

— Kitän “Periodika”-painištod neciš kirjas, čomas heredas ühtesrados. Uz’ painuz tegihe čomaks, sanui Ligan pämez’ Anna Anhimova.

Prezentacijal oli ezitadud toine-ki uz’ kirj — “Kiži”-muzejan keradamišton poimetiž. Shemad”.

Molembad kirjad om paindud “Openduz – tedod: kehitoitusen platform” -projektan aigan Karjalan pämehen grantoiden fondan raha-abul, ned jagatas ilma maksuta. Kirjoiden tiraž om 300 ekzempl’arad.