Kaks’ Karjalan küläd putuiba čomembiden küliden lugetišhe. Lugetišhe putuiba Kinerma da Šoutjätv’. Šoutjärv’ om vanh vepsläine külä. Johtutesid siš oma 1543-vodel. Sigä eläba muga nimitadud Änižröunan vai pohjoižvepsläižed. Külän keskes om tarbhaine Šoutjärven melentartuisija – tetab Vepsläine etnografine muzei. Täl vodel sille täudub 55-vot. Kaikuččel vodel muzei vasttab adivoid erazvuiččiš Venäman agjoišpäi.
— Meidennoks tuleskeleb äi turistoid. Muloi muzejas oli 11998 mest. Šoutjärven vepsläine etnografine muzei om üksjäine Venämal mugoine sur’ muzei, mitte starinoičeb vepsän rahvahas. Siš om enamba 10000 eksponatad, sanub muzejan pämez’ Natalja Anhimova.
Mugažo Venäman kaikid čomembiden küliden lugetišhe putuiba Kinerma, Staraja Ladoga (Piterin agj), Izborsk (Pskovan agj), Veršino, Nižmozero, K’anda (Arkangel’skan agj) da Bol’šoi Kunalei (Bur’atia).