Šuomelais-ugrilaiset kanšat šuahah kannatušta etnokulttuurikehitykšeh
Venäjän hallitukšešša oli pietty issunto, kumpasešša kerrottih šuomelais-ugrilaisien kanšojen kannatušpivoista vuuvven 2023 enšimmäisellä puolella šekä oli hyväkšytty Venäjällä eläjien šuomelais-ugrilaisien kanšojen etnokulttuurikehitykšen kannatušmiärien kokomuš.
— Kannatušta pitäy antua luovien projektien ta yhteiskunta-alottehien, opaššuš-, kulttuuri- , media-, turismi- ta tietoalalla toimenpitojen viettämisekši šekä muan šuomelais-ugrilaisien kielien ta kanšojen esittelyllä tieto- ta digitalialoilla, on šanottu asiepaperissa.
Hallitukšen kokoukšešša oli ilmotettu, jotta Šuomelais-ugrilaisien forumie pietäh vuosina 2025, 2027, 2029 ta 2031.
Venäjän senattori, Šuomelais-ugrilaisien kanšojen liiton johtaja korošti, jotta kanšojen identiteetin ta monikanšalaisuon šäilyttämini on tärkie tehtävä ta šiih šuunnitellah šuurta kannatušta.
