Tämä vuosi on ilmotettu kanšojen kulttuuriperinnön vuuvvekši
Vladimir Putinin miäräykšen mukah, vuosi 2022 on ilmotettu Venäjän kanšojen kulttuuriperinnön vuuvvekši.
Vuuvven aikana koko Venäjällä pietäh festivalija, jarmankkoja, näyttelyjä, luventoja, muasteri-oppija, konserttija ta toisie kulttuuritilaisukšie.
— Vuosi pietäh šitä varoin, jotta popularisoija kanšantaitehta, šäilyttyä kulttuuririkkahutta, istorija- ta kulttuurimuistomerkkijä, kaikkien Venäjän kanšojen ainutluatusie perintehie, on kirjutettu presidentin allakirjutetušša miäräykšeššä.
Presidentti käški hallitukšella peruštua järješšyškomitietta ta kirjuttua tilaisukšien ta niijen pitämisen šuunnitelma. Perušlajin mukah Venäjä on monikanšallini mua. Šiinä eläy yli 190 erilaista kanšua ta jokahisella on oma ainutluatuni kulttuuri ta kieli.
