Periodika-kuštantamon päivyä pietäh Venäjä-näyttelyššä

Periodika-kuštantamon päivyä pietäh Venäjä-näyttelyššä

18.04.2024
Tänäpiänä VDNH-keškukšen Venäjä-näyttelyššä esiinnytäh Periodika-kuštantamon toimittajat. Hyö valmissettih mukava ohjelma näyttelyn vierahilla.
Periodika-kuštantamon päiväkši toimittajat valmissettih interaktiivini ohjelma. 6+ Kuva: Maikki Remšujeva
Periodika-kuštantamon päiväkši toimittajat valmissettih interaktiivini ohjelma. 6+ Kuva: Maikki Remšujeva

Šulakuun 18. päivänä Venäjä-näyttelyššä pietäh Periodika-kuštantamon päivyä. Kuštantamon toimittajat esiinnytäh Karjalan tašavallan paviljonissa. Hyö varuššettih mukava ohjelma interaktiivisine tehtävineh Venäjä-näyttelyn vierahilla. 

“Periodikan” johtaja Natalja Sinitskaja kertou kuuntelijilla ainutluatusen kuštantamon toiminnašta. Periodika-kuštantamon šeinissä valmissetah kanšalliskielisie julkaisuja ta kirjoja, šamoin šielä toimitah Karjalan kanšojen yštävyštalo ta Karjalaisien, vepšäläisien ta šuomelaisien kieliresurssikeškuš. Näyttelyn kävijillä esitetäh kušantamon julkaisuja ta šanellah kirjoja.

— Folkloristi Valentina Mironova kertou kirjoista, kumpasie kuštantamo paino hänen avulla. Še on Pedri kuulužu kuningas -kokomuš, Aleksandra L’ubarskajan “Kalevala lapšilla kerrottuna” šekä Valentina Kuznetsovan Oneganiemen bilinoja -kirja. Valentina Petrovna tahto kertuo täštä teemašta, šentäh kun Karjala on ainutluatuni aloveh, missä šäily äšen kakši eepossua: Venäjän eepossa – bilinojen muuvvošša ta Karjalan – eeppisien laulujen muuvvošša. Toista šemmoista alovehta ei ole olomašša, koroštau Natalja Sinitskaja.

“Oman Muan” ta “Kipinän” toimittaja Maikki Remšujeva muasteri-opissah tuttavuštau vierahie Kipinä-kuklah ta šen karjalaiseh ta vepšäläiseh pukuh. Šamoin muasteri-opin Vil’l’a-aitta-ošašša tulou mahollisuš šuaha tietyä karjalaisien muanviljelykšeštä ta šyömisistä leikkimuuvvošša.

Käsityömuasteri Margarita Kemppainen kertou perintehelliseštä XIX vuosišuan ta keškiaikasešta karjalaisešta puvušta šekä viettäy omua muasteri-oppie “Paikka-transformeri”, kumpasen aikana esittäy, kuin yhtä paikkua voipi šituo eri keinoin ta käyttyä eri taloušhommissa. 

Šamoin “Periodikan” ruatajilla tulou aikua tutuštuo Venäjä-näyttelyn toisihki ošaštoih. Šuuri näyttely auttau kaikkie ymmärtyä, kuin šuuri ta mahtava meijän mua on. Šen jälkeh monella kävijällä šyntyy mieli matkuštua enemmän Venäjän loittosilla alovehilla ta nähä aivan erillistä elämäntapua ta luontuo.

Periodika-kuštantamon toimittajien matka Venäjä-näyttelyh oli šuoritettu Karjalan tašavallan rahotukšella. Še on toimenpitošarjan oša, kumpasen rajoissa šulakuun alušša VDNH-keškukšešša vietettih Luminaisen livvinkarjalan kielikurššija, 16.–18. šulakuuta piettih vepšän kielen kurššija ta oraškuušša järješšetäh vienankarjalan kielikurššija.


Aihiešta voit lukie niise šuomekši ta venäjäkši.

Lisää aiheesta
Karjalan Sanomat
Kostamuslaiset opiskelevat lisää teknisiä tieteitä – Kaupungin kymnaasissa avataan insinööriluokat
Hankkeen tavoitteena on syventää koululaisten tietämystä teknisistä tieteistä. Hanketta toteuttavat Kostamuksen Karelsky Okatyš -rikastamokombinaatti ja Petroskoin valtionyliopisto.
Oma Mua
Kondieloin eloksen tutkimine jatkuu Karjalas
Vodlajärven kanzallizes puustos  jatkuu Kondiet susiedoinnu -projektan ruado. Projektan tarkoituksennu on tutkie kondieloin elostu da luadie rauhu ristikanzan da kondieloin välil.
Karjalan Sanomat
Kiintopalloja käytetään Venäjän ja Suomen rajan valvonnassa
Kiintopallot voivat pysyä ilmassa useita päiviä, mikä auttaa Karjalan rajavartijoita ylläpitämään järjestystä raja-alueella.
Oma Media
Финские власти представили законопроект о ”выдворении” – В ООН законодательная инициатива подверглась критике
В управлении Верховного комиссара ООН по делам беженцев заявили, что новый закон нарушает нормы международного права.
Karjalan Sanomat
Karjalainen yleisurheilija lähtee BRICS-maiden kilpailuihin
Kansainvälinen moniurheilutapahtuma pidetään Kazanissa 12.–23. kesäkuuta.
Karjalan Sanomat
Pitkärannan piiri: Ladožskoje-meijeri on aloittanut tuotannon
Laitos valmistaa maitoa, juustoa, smetanaa ja rahkaa. Lisäksi tänä vuonna laitos on rakentanut uuden vasikkanavetan.
Karjalan Sanomat
Lokki lähti Tšehovin kartanoon — Kansallinen teatteri mukana kansainvälisellä festivaalilla
Karjalan kansallinen teatteri esittää tänään Olenko muuttunut kovasti? Lokki -esityksen Melikhovo-kartanomuseossa.
Karjalan Sanomat
Karjalan keski- ja eteläosiin on annettu maastopalovaroitus – Nuotiota tai muuta avotulta ei saa sytyttää
Maastopalovaroitus astuu voimaan tänään 23. toukokuuta. Määräyksen rikkomisesta määrätään sakot.
Karjalan Sanomat
Uusilla busseilla tasavallan kyliin ja kaupunkeihin – Karelavtotrans-Servis jatkaa bussikaluston uudistamista
Bussit liikennöivät Lohijärvelle, Maasjärvelle sekä Lutševoje-6 -mökkialueelle.
Kirjaudu sisään
Rekisteröityä
Salasana
Vahvista salasana