“Katriili” karjalan kielellä šujuvašti mäni Grozni-kaupunkissa
Näytön jälkeh nuoren kaččojan Čečenin teatterissa kuulusat venäläiset teatterikritikot kačeltih spektaklie.
– Arvoštelijakunnan johtajan, Venäjän Federatijon kanšanartistan, ohjuajan, Venäjän teatteritaijon akatemijan professorin Boris Morozovin mukah “spektakli anto koko festivalilla ilosen ta positiivisen nuotin”, kerrotan Karjalan kanšallisen teatterin saitilla.
Spektakli mäni karjalan kielellä sinhronikiännökšineh.
Lisäkši forumin ošallistujilla näytettih Peer Gynt. Kolme novellie -spektakli.
Lehistökonferenššissa Karjalan tašavallan kulttuurivaraministeri Varvara Lebedeva kerto teatterin toiminnašta, šuunnitelmista ta festivalin ohjelmah kuulujista spektakliloista.
Kaikkieh festivalih ošallistuu 14 spektaklie muan 12 alovehelta. Festivalin järještäjinä ollah Venäjän Federatijon kulttuuriministerijö, Venäjän teatterialan ruatajien liitto ta Čečenin tašavallan halličuš.
