Ammuntahiihtäjät tultih Koštamukšeh koko Venäjältä

Urheilijie otettih vaštah karjalaisien perintehien mukah karjalaisissa pukuloissa ta sriäpnien kera. Kuva: Anna Bogaliin urheilumal’l’an finali – Severstal’ -Vkontakte-ryhmä

Koštamukšešša šulakuun 8.—15. päivinä pietäh lapšien ammuntahiihtokilapilut. Niih ošallistu yli 350 urheilijua Venäjän 23 alovehelta. Kilpailut pietäh Koštamukšen hiihto-ammuntahiihtokeškukšešša.

— Ammuntahiihtäjät kilpaillah henkilöajoissa, sprintissa, super-sprintissa, joukkostartissa ta vuoroajoissa. Šen lisäkši pietäh kilpailut valmistajilla ta järještäjillä. Tapahtuma tulou šuurekši pruasniekakši ošallistujilla ta kaččojilla, on kirjutettu kilpailujen virallisešša Vkontakte-ryhmäššä.

Enšimmäisenä päivänä piettih virallisie harjotteluja ta luventoja šekä Kilapilujen juhlalliset avajaiset.

Aihiešta voit lukie niise šuomekši.