Periodika-kuštantamon spesialistit: karjalaisen puvun tietäjä Margarita Kemppainen ta muusikko, kantelehella šoittamisen opaštaja Alina Kartinen piettih uuši lapšiohjelma, še on omissettu Kalevala -eeppisellä runoelmalla.
— Päiväkojin numero 22 opaštajat kyšyttih, onko meilä “Kalevalalla” omissettu ohjelma lapšilla. Meilä ei ollun šemmoista, ka myö ruttoh kekšimä šen Margarita Kemppaisen kera. Hiän kerto runojen šankarien pukuloista ta perintehellisistä ruatoloista omien kuklojen avulla, a mie näytin mitein šoittua kantelehella runuo “värikkähän musiikin” šiäntöjen mukah. Ohjelman lopušša myö kisasima lapšien kera, šelitti Karjalaisien, šuomelaisien ta vepšäläisien kieliresurssikeškukšen spesialisti Alina Kartinen.
Alina ta Margarita enšimmäistä kertua yhissettih omat tiijot yhteh lapšiohjelmah ta kokemuš onnistu — lapšet hyvällä mielin ta tarkašti kuunneltih naisie ta kačeltih keškiaikasie kirkkahie pukuja. Ohjelman vetäjät šanotah, jotta šuunnitellah viettyä ohjelma iellähki.