Suomes pietäh Pajot- Karjalazet muuzikkupäivät
Pajot-festivuali avatah tänäpäi 6. oraskuudu Kontiolahten Kotiseutukeskukseh.
Festivualin laval ezitytäh kandelehel soittajat Timo Väänänen da Hanna Ryynänen, muuzikantugi Rauno Nieminen. Koltasaamelazien perindöllisty muuzikkua soittau Suõmmkar-joukko. Laval ezitytähgi elektrofolkan soittai Junna da jovensuulaine nygözen muuzikan Hurja Halla -duettu, Mimmit- lapsienmuuzikan joukkogi. Pajattai da muzikantu Arto Rinne valmisti Karjalaan kaikoinneita -ezityksen, Lea Tajakka ezittäy Pelagen matka -runopajon.
– Karjalazien tansiloih da pajoloih voibi tuttavuo Bessodat-ruadopajan aigua, kudai pietäh Minna Karttunen da Jyrkki Haapala, sanottih festivualin järjestäjät.
Tänävuon muuzikkufestivualin tiemannu on “Kielet da mielet”. Suovattan festivualin alovehel rubieu ruadamah karjalaine koufeičuppuine, jarmanku, voibigi pajattua karaoke-pajoloi. Liput voibi ostua edukädeh festivualin saital libo festivualipäivinny.
Pajot-festivualin järjestäy Karelia Folk -yhtymys Karjalazen Kul’tuuran Edistämisrahaston, Kontiolahten da Pohjois-Karjalan bankan kannatuksel. Ližiä tieduo voibi suaja Pajot-festivualin saital.
