Petroskoin keškitorilla avattih jarmankka
Tänäpiänä Karjalan piäkaupunkin keškitorilla avattih jarmankka. Kirovin aukivolla voipi oštua käsityömuasterien luatimie lahjoja ta Karjašša valmissettuja tuottehie. Kioskit on ašetettu Karjalan šuurimman ta kaunehimman uuvvenvuuvvenkuušen viereššä ta jokahini šuau tiälä erikoista juhlallista tunnelmua.
— Tiälä on myynnissä Karjalašša valmissettuja piirakkoja, kala- ta lihatuottehie, villašta luajittuja esinehie ta toisie tavaroja. Niise myö rupiemma leikkimäh ta kisuamah jarmankan vierahien kera, šano Lumikki avajaisissa.
Uuvven vuuvven kynnykšellä Kirovin aukivolla oli järješšetty leikkiohjelma lapšilla, Petroskoin tanšši- ta lauluryhmät valmissettih esitykšie. Lumimyrsky ei häirinnyn pityä iluo ta vesseläšti vaštautumah pruasniekkua.
Jarmankka on auki pakkaiskuun 7. päiväh šuaten. Koko talviloman aikana tiälä pietäh huvitušohjelmie ta muasteri-oppija.
Jarmankan avajaisien päivänä rupesi toimimah jiäkenttä. Luissella Petroskoin keškuštašša šuau ilmasekši.
Viime vuotena jiäkentäššä kävi noin 20 000 ihmistä.
