Etnokulttuurikeškukšien ta järještöjen kulttuuriperinnön šäilyttämisliitto "ECHO" ilmotti perintehellisen kilpailun keškukšien ta järještöjen, šekä niijen projektien kešen. Kilpailun arvoštelijat valitah Vuuvven 2023 paraš etnokulttuurikeškuš, etnokulttuuriprojekti ta etnoaloteh.
— Erikoista huomijuo myö kiinitämmä šiih, kuinka šiännöllisešti ta rohkiešti etnokulttuurikeškukšet otetah käyttöh etnokulttuuriperinnön šäilyttämiseh uuvvet muuvvot, kuin kučutah paikallisie eläjie alovehen sosiali-kulttuuriseh alah, mimmoset muutokšet tapahuttih ta kuin ne ruvetah vaikuttamah tulovaisuoh, šelitettih kilpailun järještäjät omalla nettišivulla.
Kilpailuh voipi ošallistuo etnokeškukšet, kumpaset kuullah Liittoh šekä kaikki kulttuurijärješšöt ta ei-kaupalliset järješšöt, kumpaset šuoritetah etnokulttuuritehtävie Karjalan tašavallašša.
Anomukšie voipi työntyä šulakuun 1. päiväh šuaten. Lisyä tietuo voipi šuaha Liiton nettišivulta.