Venäjällä eläjät nuoret aktiiviset šuomelais-ugrilaisien kanšojen etuštajat voijah ošallistuo kanšalliseh johtajakouluh kilpailuvalintah. Kouluo pitäy Venäjän šuomelais-ugrilaisien kanšojen liitto Kanšallisukšien aseijen federalisen toimiston kannatukšella.
— Kanšallini johtajakoulu on tilaisukšien ohjelma, kumpasen tehtävänä on eččie taitajie nuorie ihmisie, kumpasien tarkotukšena on šovušša kehittynyijen kanšainvälisien šuhtehien šäilyttämini ta lisyämini šekä Venäjän kanšojen keškenäisen yštävyön esittely, šelitetäh koulun järještäjät Venäjän šuomelais-ugrilaisien kanšojen liiton nettišivulla.
Kilpailuvalintah pitäy työntyä ošallistujan anomuš ta kirjutuš, kumpasešša kilpailija esittäy omua mieltä kilpailun teemoista. Joka ošallistuja voipi kirjuttua kakši ruatuo. Ruavot on työnnettävä šulakuun 30. päiväh šuaten. Kanšallini johtajakoulu pietäh kešällä Mordovian tašavallašša, Saranskissa. Lisyä tietuo voipi löytyä Venäjän šuomelais-ugrilaisien kanšojen liiton nettišivulla.
Aihiešta voit lukie niise šuomekši.