Etno-šou piettih karjalan ta vepšän kirjakielien päiväkši
Juhlallini ilta oli omissettu karjalan ta vepšän kirjakielien päiväkši.
Etno-šou -tapahtumalla esiinnyttih aloittelijat ta kokenuot artistat, kumpaset šoitetah perintehellistä musiikkie ta lauletah karjalakši ta vepšäkši.
– Konsertin ohjelmašša oli Veri-ryhmän, Istoki -folkyhtyvehen, Vereja -folkryhmän, Kantele -laulu- ta tanššiyhtyvehen lauluja ta musiikkiesitykšie niise karjalaini räp-laulaja Ondrei ta vepšäläini muusikko Join lahjotettih kaččojilla lauluja, kerrottih konsertin järještäjät.
Taitonumerojen välillä illan vetäjät Aleksandra Aniskina ta Andrei Gorškov kerrottih mielenkiintosie tietoja Karjalašta, šanottih Karjalan kantakanšojen valtijollisešra kannattamisešta.
Niise illan vierahie tervehittih Karjalan tašavallan kanšallisen ta alovehellisen politiikan ministeri Sergei Kiseljov ta Lakienhyväkšymiskokoukšen opaššuš- , kulttuuri- , urheilu- ta nuorisopolitiikan komitean varajohtaja Tatjana Tiškova.
Kaččomah konserttie tuli kanšalaisjärještöjen, opaššuš- ta kulttuurilaitokšien etuštajie, lehtimiehet, viranomaiset ta opaštujat.
