Etnosaneluz: vepsläižed ühtneba ühthižvenälaižehe akcijaha
Necen nedalin aigan Venämal kirjutadas “Venäma — rahvahiden kodi” -etnosaneluz Venäman Pohjoižen, Sibirin da Edahaižen Päivouzman polen igähižiden vähäluguižiden rahvahiden kelil.
Akcii mäneb videnden kerdan. 16. uhokud sanelusen kirjutaba vepsläižed.
— “Vepsän kul’tursebr” ühtneb akcijaha toižen kerdan. Männudel vodel ristituile se tuli mel’he. Mö oigenzim pakičusen. Sanelusen kirjutam Karjalaižiden, vepsläižiden da suomalaižiden kel’keskuses necen pätničan 17:30 časud. Varastam kaikid, ken tahtoib kodvda ičeze kel’mahtoid, sanui “Vepsän kul’tursebran” pämez’ Larisa Čirkova.
Sanelusiden teman om “Minun rahvahan perehen tradicijoid da kal’huzid”. Akcii pidetas Venäman Pohjoižen, Sibirin da Edahaižen Päivouzman igähižiden vähäluguižiden rahvahiden associacijal “Venäman rahvahiden kodin” abunke.
Uzišt neciš temas voib lugeda mugažo suomeks da venäks.
