Vladimir Danilovan kirjasto kuččuu Suarnallizeh käziruadoh
Ruadopaja “Suarnalline käziruado” rodieu Petroskoin linnan Vladimir Danilovan lapsien kirjastos 1. ligakuudu 14.00 čuassuu Lebopäivy kirjastos -sarjan hantuzis.
Pivos lapset tuttavutah erinomazeh suarnah. Se on tiedohuon suarnu, kuduas ainos ollah eriluaduzet kummat da sie voibi vastata erinomazii piähengilöi.
— Lapset tiijustetah, mittuzet eroitukset ollah tiedohuon suarnal, yhtytäh suarnallizeh tiedokilbah, sego luajitah ičele kummanluadijan keppizen, kuduas rodieu hyvä aksessuaru fotosessieh niškoi da avvuttau tundie omua iččie tiedoniekannu, sanou kirjaston piälimäine Marina Lukina.
Ruadopajale pidäy ottua keräle suši-kalasyömizen keppizet libo varbastu, pahvii, väribumuagua, nožniččemet, PVA-klei, piirdin, helmilöi, lentočkoi da tostu semmostu.
Suarnalline käziruado -ruadopaja rodieu 1. ligakuudu 14.00 adresil Petroskoi, Gogol’an uuličču, 14. Ruadopajale pidäy kirjuttuakseh edukädeh telefonas (88142) 77 35 82.
