Konkurs: noril runoilijoil om voimuz ozutada lahjavut

Nece om jubilejine konkurs noriden runoilijoiden keskes. 6+ Kuva: pixabay.com

Petroskoiš zavodihe noriden  runoilijoiden “Toiv”-konkurs V.Morozovan nimele. Ičeze runod voiba oigeta kaik tahtnikad, kudambile om 8-18 vot. Kontursan töd voiba olda venän, vepsän, karjalan vai suomen kelil. 

― Konkursas om tehtud koume nominacijad: ”Ezmäine runo” (8-13 vot), ”Runotusen toiv” (14-18vot), ”Minun kodima, Karjala” (8-18 vot). Runoiden temad voiba olda erazvuiččed, sanub Karjalan Rahvahaližen kirjišton radnik Vladimir Maksimkin.

Konkursan vägestajad saba diplomad da lahjad. Pakičuzaig lopiše 1.semendkud 2022. Töd voib oigeta verkpočtale vai toda adresan mödhe: Petroskoi, Puškinskaja ird, 5.